DiätplanIch gib mir jetzt an großn Rucker
und paß mehr auf mit meinem Zucker,
wäu wann ich sovü weida friß,
hupf i ins Kistl, des is gwiß.
I hoat mi zruck beim Schweinefleisch,
ka weißes Brot und a kan Reis,
ka Knödl mehr, ka fette Wurst
und net a Krügerl mehr fürn Durst.
Trink a kan Wein mehr oder Schnaps,
selbst tanken tua i Bioraps,
iß kane Zwetschken, ka Banane,
höchstens a Ananas, a klane.
Ka Leber mehr und kane Niern,
ka Blunzngrestl und ka Hirn,
iß kane Nudln und kan Taag,
ka Sachertortn mit an Schlag,
ka Reh, kan Hirsch aus wüda Hatz,
und auch kein Eis vom Reumannplatz,
gestrichen ist sogoa des Cola,
trink Mineral nur oder Soda.
I geh vü waundern mit Hamur,
Terrainkur nennen's des auf Kur,
moch Kniebeugn, hupf durchn Rafn,
meß ab mein Zucker mit an Strafn.
Foahr jed's Quartal do her in'd Klinik
zum Blutabnehmen, nur ganz wenig,
do san nur Profis, kennan si´ aus,
do fühst di boid ais wia zuhaus.
Wann i des moch, des is ma kloar,
daunn kennt i wean a hundert Joahr,
kaun taunzen oder rennan geh,
an Winterspurt betreibn im Schnee.
Auch sexuell liegt nix im Wege,
solang i mei Gesundheit pflege.
Mit dera Krankheit dir nix passiert,
waun die ka Lastler überführt.
Robert PoandlAnmerkung Hermann:
Auf ollas wüll i net verzichten, des is kloar,
dafür werd i vielleicht nur achtzig Joahr! 
Museum