Na dann so billig geht es bei uns in der Schweiz nicht davon: her mit den Versen.
Da ist mein Kindervers
Es dunklet scho im Tannewald Es dunklet scho im Tannewald
und s‘schneielet ganz lisli.
Was ist das für es Liechtli det
I säbem chline Hüsli? -
Det isch de Samichlaus dehei
mit sine guete Sache!
Er hät scho s‘Lämpli azündt
und tuet grad Kafi mache.
Da pöpperlets am Lädeli,
und s‘Glöggli ghört er lüte!
Jetz weiss er scho, wer dusse n isch
Und was das söll bedüte:
sChristchindli chunnt na Zabig spat,
es wird en welle stupfe,
er mües de Sack bald fürenäh
und sini Finke lupfe!
S‘Christchindli sait: "Herr Samichlaus,
e schöni Ornig händ er!
De Christtag staht ja vor der Tür -
händ ihr dänn kein Kaländer?
S‘brucht Wiehnachtsbäum i jedes Hus,
für vilii hundert Chinde -
ihr müends im Wald na haue hüt,
de Vollmond söll eu zünde!"
De Samichlaus stellt d‘Tasse n ab:
"Nu nid so gsprängt, Christchindli -
die Bäumli müend gwüss bsorget si,
das hät na Ziit es Stündli.
Ich möchte jetz ämel na in Rueh
min Zabig fertig chäue -
und wänn es Tässli gfellig wär,
so würds mi herzli freue!"
S‘Christchindli lächlet: "Nu so dänn,
da bini nüd dergäge;
e bitzli öppis Warms tuet guet
uf mine wiite Wäge!
Me cha ja dänn na allerlei
abrede und usmache,
was jedes Chind söll übercho
vo dene schöne Sache."
Si sitzed gmüetli binenand
Im chline Stübli hine.
De Vollmond zündt d‘Laterne a
und lueget heimli ine;
Er loset lang am Fensterli
und uf der Hustürschwelle -
wenn er nu besser schwätze chönnt,
er müesst mers gwüss verzelle.
also wer noch............ öhm verschtaht überhaupt öppet öppis?
